Güei 4 de Setiembre, a les 19:00 hores na sala polivalente de la 4ª planta del Ateneu  La Calzada (Xixón) la Plataforma contra la Contaminación de Xixón entama’l cursu con una charra na que se fadrá un analís detalláu de los Planes de Calidá del Aire ya’l Plan d’Asturies de Salú y Mediu Ambiente (PASYMA). La conferencia tará a cargu de los espertos na materia Valentín Rodríguez, Olga Alonso y Sara Díez, del Equipu d’Epidemioloxía Llaboral y Ambiental de la Direición Xeneral de Salú Pública de la Conseyería de Sanidá.

Darréu fadráse un repasu de los caberos problemes ambientales deteutaos n’Asturies y más en concreto en Xixón y de les aniciatives adoutaes al respeutu dende la Plataforma: la contaminación d’agües y les allegaciones presentaes, la recoyida d’amueses de  materia sedimentable pal so posterior estudiu, les actividaes d’espardimientu ya información n’asociaciones y centros escolares y la participación nel Conseyu de Salú del Natahoyo.