Rescatar l’auténticu significáu de Cuadonga repasar la hestoria, el so significáu y la so emportancia na costrución de la concenxa nacional ante los intentos de la monarquía española de remanar pa si la hestoria y los símbolos de los asturianos con falacies al so favor 

El 6 Setiembre a les siete la tardi nel Antiguu Istitutu Xovellanos de Xixón, dos díis anantes de la visita de los reyes de España nel Díi de la Nación Asturiana a Cuadonga, reivindicándose estos comu continuadores del Reinu d’Asturies ya incluso de la monarquía asturiana, Andecha Astur organiza una conferencia cientrada nel cuadonguismu y la trascendencia que tien Cuadonga comu referente pal Pueblu Asturianu. Los intentos por parte de la monarquía española de remanar al so interés ún de los símbolos más emblemáticos de la historia del nuesu país, que representa l’aniciu mesmu d’Asturies comu nación va 1.300 años, faen imprescindible cientrar l’alderique nel vraeru significáu d’esti llugar y esta efemérides, torgando l’apropiación ayena del que ye ún de los principales referentes simbólicos, míticos y hestóricos de la nación asturiana.

La conferencia, que presentará Llucía Fernández en representación d’Andecha Astur, tendrá comu  ponentes  a Roberto González Quevedo y Mariano Suárez.

La intervención del filósofu, doctor n’antropoloxía y llingüísta, miembru de númberu de l’Academia de la Llingua Asturiana  y direutor de la revista Cultures, Roberto González-Quevedo, entitúlase “Cuadonga y la so mitificación”.

Mariano Suárez, mayestru, autor d’obres imprescindibles de la historiografía asturiana como “¿Quién escaeció a Belarmino Tomás?”, intervendrá baxo’l intrigante entítulu “¿Por qué Asturies tien 10 Cuadongues?”.

La Conferencia tendrá llugar mañana xueves 6 de Setiembre, na Sala Conferencies del Antiguu Istititutu Xovellanos -Xixón- de magar les 19:00.

Nuria Prendes

This work is licensed under a Creative Commons Attribution 4.0 International License.