Esti sábadu 6 d’ochobre a les 12:00 va tener llugar nel cementeriu de Carbayín Alto un homenaxe a los 24 homes que fueron asesinaos en venganza a los guardias civiles muertos en Sama na ofensiva que los trabayaores de la cuenca del Nalón llevaron a cabu nos primeros díes de la revolución
Sacaos de la cárcel de Ciañu, la nueche del 24 d’ochobre Benjamín García, Agustín Amil, Melquíades Álvarez, José Meana, Laurentino Meana, Eloy Vallina, Honorio Vallina, Faustino Freigedo, Gumersindo Díaz, Tomás Centeno, Manuel Fernández, José María Vega, Cándido Díaz, Alejandro García, Ángel Vallina, Celso Rodríguez, Ernesto Pérez, Alejandro González, Dimas Yáñez, Antero Valdés, Gerardo Noriega, Antonio Flórez, Ernesto Vázquez, José Montes y Laudelino García foron executaos en mitá de la nueche.
Los organizaores del homenaxe, que se repite añalmente -Nora Antifa, Darréu y Pueblos Contra el Fascismo- conviden a participar nesti homenaxe a los Mártires de Carbayín “pa que nun quede nel escaezu el sacrificiu d’estos homes nin toles persones que llucharon na revolución d’ochobre de 1934 na que la clas obrera fizo una amuesa de dignidá refugando la permisividá de la Segunda República col facismu de Gil Robles y la CEDA”.
Redaición InfoAsturies
This work is licensed under a Creative Commons Attribution 4.0 International License.
