Pesi a ser conocios los riesgos pa la salú de la cercanía a antenes repitiores de telefonía movil, el Conceyu de Sieru acaba de permitir la istalación de tres nos cientros educativos de la Pola, el Colexu Hermanos Arregui, el Celestino Montoto y l’Istitutu Rio Nora

Más de 1.500 escolinos, amás de los profesores y restu de trabayaores de la comunidá educativa, vense diariamente espuestos a los efeutos de 3 antenes repitiores de gran tamañu.

Los investigadores señalen que los efeutos biolóxicos ya impautos na salú de les emisiones d’estos sistemes inallámbricos ocurren a niveles mínimos d’esposición, ya que los campos elleutromagnéticos de radiofrecuencia o microondes pueden considerase xenotóxicos (que dañe l’ADN de les célules) baxo ciertes condiciones. Los espertos consideren a la reciella ye un coleutivu especialmente sensible, por tar en procesu de desendolcu cellebral.

N’abondos conceyos europeos la distancia de seguridá de les antenes ye d’un mínimu de 200 metros a los cientros d’ensiñanza y de fechu entama a plantegase a nivel mundial el desaniciu de la rede wifi inallámbrico nos cientros.

Poro, pa la Coordinadora Ecoloxista d’Asturies, nun ye de recibu la presencia de repetiores de gran potencia na mesma fachada de les escueles y soliciten al conceyu de Sieru la so retirada darréu.

Redaición InfoAsturies

This work is licensed under a Creative Commons Attribution 4.0 International License.