L’asturfobia ta algamando cotes inimaxinables. O igual non, igual siguin al nivel de siempres, pero disimulando menos. Quiérenmos callaos y muertos, enterraos en cal viva

El pasáu fin de selmana les redes denunciaben un comentariu de la “Plataforma contra la cooficialidad” nel que se lleía, refiriéndose a los asturfalantes “Hai qu’enterrar en cal viva a esos paletos”.

Nun ye la primer vegada qu’esta páxina, conocía por facer el ridículu en casos comu la manifestación de siete persones, la encuesta contra la oficialidá na que gana por mayoría aplastante’l si a la oficialidá o por convocar una concentración y enquivocase de fecha, tien esta triba de salíes de tonu, seique nesti casu posaron dafechu la careta, amosando el tipu de xente que son.

Si la menacia fore contra otru grupu de la población, un que cayera del lláu “correchu”, de xuro que se taba falando d’incitación al terrorismu, menacies o cuando menos d’ofensa grave. Pero ye contra los asturianos, contra los que falamos la llingua de nos, asina que nun ye d’esperar repercusión mediática dala ya muncho menos el preslle de la páxina o la persecución llegal de los responsables.

Nuria Prendes

This work is licensed under a Creative Commons Attribution 4.0 International License.