Énte la intensidá de los conflictos llaborales que se tán viviendo na Cuenca del Nalón (Capgemini, minería, …) dende l’asamblea del CSA La Xusticia ven necesario impulsar una caxa de resistencia obrera que palie les estrecheces carecíes polos que s’enfrenten a la inxusticia

L’oxetivu del fondu de solidaridá obrera La Felguera ye aidar economicamente a les persones que s’atopen privaes d’ingresos por tar participando nes lluches venceyaes a estos conflictos, pa evitar que se vean afogaos poles necesidaes . “Nun vamos dexar cayer a los que llevanten la cabeza contra’l capital, ca victoria ye una victoria pa tola clase obrera”, declaren.

La idega de base ye la mesma que la del Fondu Xunitariu de Solidaridá Obrera d’Asturies, el FUSOA, nacíu nos caberos años del franquismu, sumíu cola nacencia de los sindicatos por creyer qu’estos cumpliríen la so función y refundada fai 20 años al comprobase que de fechu estos nun lo faen. Ello ye que’l FUSOA foron los primeros n’apurrir fondos a esta caxa de resistencia.

Nesti casu, trátase d’un fondu puntual específicamente creáu pa esta coxuntura y pa la Cuenca’l Nalón, tando abierta a tol que la precise, siempres col compromisu del sofitu mutuu a quien lo precise dempués.

Aquellos que quieran collaborar col fondu, pueden apurrir en man nel Centru Social La Xusticia, nos botes que se van distribuyir pola cuenca o nel númberu de cuenta qu’indiquen nel so blogue.

Redaición InfoAsturies