El Bloque Críticu escolinga per tola cai Corrida cartelos y ropa de baldre’n reivindicación de la solidaridá y denuncia del consumismu ya l’arriquecimientu de les multinacionales
Aprofitando l’intre nel que’l consumismu desaxeráu de les fiestes navidiegues dexa pasu a les compres compulsives de les rebaxes, la mocedá del BC quieren facer reflesionar sobro los montaxes comerciales que se superponen “pal porgüeyu d’una burguesía siempres antepuestu al bientar de la mayoría del pueblu trabayaor”. Lo importante, reclamen, ye que a naide-y falte comu tapase del frio “Nun se trata de moda o d’engordar los bolsos d’Amancio Ortega, sinon de cubrir les necesidaes de la xente y de llograr un repartu xustu de la ropa y de cualisquier otru bien” despliquen, y anque son coscientes de la dificultá de conseguir esto dientro d’esti sistema apurren el so granín ufriendo ropa de baldre pa quien la necesite o-y preste.
La campaña cientróse a costafecha na cai onde venden les tiendes de les multinacionales d’Inditex y Mango, esta cabera cientru de polémica polos ataques a les piqueteres del 8M y pola so política llaboral. D’elles denuncien l’esclavización de neños y muyeres nos países más probes ya’l consumu de recursos en produciones descomanaes de ropa, mui perriba de les necesidaes reales de la población.
La campaña, que tuvo perbona acoyía, ocupó la cai Corrida a la llarga nel primer díi de les rebaxes, consiguiendo con ello una perbona visibilidá.
Llucía F. Marqués
This work is licensed under a Creative Commons Attribution 4.0 International License.
