Les declaraciones del espresidente de la FADE y de la Cámara de Comerciu d’Uviéu dexen nidio que’l marafundiu foi mui gurdiu al poner comu esculpia que “non todo foi corrupción”
L’espresidente de la patronal asturiana, condergáu a 18 meses de prisión y a una multa de 285.000 € por fraude fiscal por tres delitos contra la Facienda Pública nos años 2009, 2010 y 2011, vien de declarar na tercer sesión de la Comisión que ta investigando posibles fraudes nos cursos de formación -qu’elli xestionaba- que “dalgunos cursos de formación permitieron reducir el paru n’Asturies… non too foi corrupción”.
Estes declaraciones nun pueden interpretase sinon como un reconocimientu tácitu de la magnitú de la corrupción a la que fae referencia. De fechu, demientres la sesión llegó a reconocer que la FADE llegó a manexar «cantidades importantes» de perres pa la xestión d’estos cursos. Con cantidaes importantes refierse a una cifra superior a los cuatro millones d’euros n’aides pa cursos qu’amenorgaren el paru n’Asturies, oxetivu nidiamente lloñe de cumplise.
Na mesma sesión l’essecretariu xeneral d’UXT, Justo Rodríguez Braga, retomó’l conceutu de “Llienda urbana”, tan utilizáu en so díe por Tini Areces pa falar de la emigración asturiana, pero refiriéndose nesti casu a la esistencia de fraude nos cursos de formación y a la implicación de la UXT nel mesmu.
Nuria Prendes
This work is licensed under a Creative Commons Attribution 4.0 International License.
