Esti xueves 24 de Xineru, en FITUR, asoleyaráse’l ganador d’estos premios nos que Xixón compite con  Colombia p’algamar el premiu como meyor destín turísticu sostenible. Nel añu 2017, Xixón yá foi gallardonáu como segundu meyor destín n’aplicar práutiques caltenibles nel so modelu turísticu

Xixón ye, por segundu añu consecutivu, finalista de los Premios Turismu Responsable, entamaos pola Fundación Intermundial en collaboración cola Feria Internacional del Turismu (Fitur) ya l’Istitutu Teunolóxicu Hoteleru (ITH). Anguañu, la estaya de Turismu de Xixón enfréntase al Ministeriu de Comerciu, Industria y Turismu de Colombia pa optar al premiu como meyor destín turísticu caltenible.

Esti premiu reconoz la implicación de les empreses y destinos turísticos p’aplicar práutiques responsables col mediu ambiente, la economía y la sociedá dientro del so modelu de negociu o de la so xestión turística.

En concreto, Xixón, que yá tien dende 2013 la certificación Biosphere Destination, foi seleicionáu por cuntar con un Plan d’Aición de Turismu Sostenible añal; puxar poles bones práutiques sostenibles na industria turística al traviés de programas como Compromisu Biosphere Xixón o Xixón Turismu Acesible, ya implicar a la población llocal y a los visitantes con campañes d’información, sensibilización y concienciación.

La ceremonia d’entrega del II Premiu de Turismu Responsable va celebrase’l 24 de xineru a las 16:30h nel espaciu FiturtechY (Pabellón 10, 10B03) de FITUR 2019. El hashtag pa siguir l’actu ye #PremioTurismoResponsable.

Redaición InfoAsturies

This work is licensed under a Creative Commons Attribution 4.0 International License.