Un incendiu na Pola Somiéu inagura la temporada d’incendios n’Asturies a menos d’un mes de les inundaciones qu’anubrieron el país. Nel alrodiu l’Aramu vese la fumarea d’un segundu incendiu
Malo si llueve, les infracadarmes nun tan preparaes, nun hai planes pa solucionar ceo los problemes de tresporte, hai qu’evacuar, muerre xente. Y si nun llueve, malo, suben los niveles de contaminación, hai qu’aplicar protocolos d’emerxencia díe si y díe tamien (agora mesmo en marcha en Xixón y Uviéu y solicitáu n’Avilés por dase les condiciones pa ello) y entamen los incendios.
![](https://www.infoasturies.com/wp-content/uploads/2019/02/52933339_286500385351967_8436650228567769088_n.jpg)
A un ritmu de más de mil quemes forestales por añu (el pasáu foi más suave, “namás” 638) y con datos que avalen la teoría de que más del 90% son intencionaos, siguimos dexando les midies a tomar en declaraciones d’intención y semeyes pa la galería. Fasta l’intre, y pesi a los 4 planes d’aprofitamientu de montes d’utilidá pública y los más de 150 planes d’ordenacionación de montes, nun esiste un protocolu de recuperación de viesques, nun se persigue eficientemente nin se castiga a los pirómanos, el serviciu de bomberos ye nidiamente insuficiente -nel qu’en munchos casos se tien de dexar ensin serviciu un conceyu p’acudir a otru- y consentimos el llantáu d’especies que, como l’ocalitu, multipliquen por diez el riesgu y la gravedá de los incendios.
Güei, 25 de febreru, toda Asturies ta en riesgu peraltu d’incendiu.
Nuria Prendes
This work is licensed under a Creative Commons Attribution 4.0 International License.