L’allugamientu d’un puntu violeta mientres los antroxos, y mientres la celebración de cualquier festividá na que s’espere un gran númberu de persones, “tendría de ser un compromisu firme per parte del Equipu de Gobiernu. La violencia que s’exerce contra les muyeres, suel vese aumentada en festividaes con gran cantidá de xente”, manifiesta Paula Huelga, responsable de feminismu de Podemos Mieres
Defende que dende’l Consistoriu tienen la obligación de poner en marcha iniciatives que sirvan para caltener la seguridá de les persones que participen nes xornaes festives, amás creen que “viendo’l camín que se ta tomando nes festividaes tocantes a agresiones contra les muyeres, faise necesariu que de manera especial, protexer con zones de seguridá que cunten con personal formáu n’Igualdá”
Nel mes de Setiembre, yá solicitaron l’allugamientu d’un puntu violeta mientres Los Mártires, cuntando qu’esto sirviría pa que de magar entós, se tuviere’n cuenta l’allugamientu d’estes zones de seguridá en momentos festivos, pero “vemos que nun se volvió a pensar nesto como daqué importante y necesariu. Dada la infraestructura ya información utilizada pa la festividá de los mártires queremos recorda-yos con tiempu la importancia d’un puntu violeta n’antroxos pa que lu preparen debidamente”.
Nesta ocasión, quixeron dir un pocu más allá y tamién “pidimos xuna campaña ‘per unos antroxos llibres d’agresiones sexuales’ nos díes previos al antroxu na que se concencie sobre la importancia d’esfrutar ensin riesgu d’agresiones nin violencia nes xornaes festives”, declara Paula Huelga.
Redaición InfoAsturies
This work is licensed under a Creative Commons Attribution 4.0 International License.
