Güei, a les ochu la tardi, tres espertos analizarán en mesa reonda les consecuencies a mediu y llargu plazu de la propuesta de creación d’un Aria Metropolitana que divida Asturies nun país a dos ritmos

David M. Rivas, profesor d’Estructura económica na Universidá Autónoma de Madrí, Roberto González Quevedo, doctor n’Antropoloxía y Xose Nel Riesgo, Xeógrafu y espertu’n Desendolcu Llocal, fadrán un fondu analís de la ordenación territorial asturiana dende les sos respeutives especialidaes, tocando dellos aspeutos de la problemática qu’implica l’Aria Metropolitana de la fastera cientral d’Asturies. La presentación sedrá a cargu  de Llucía Fernández, candidata por Andecha Astur-Agora Repúbliques.

Darréu l’actu tendrá llugar un alderique abiertu nel que los asistentes podrán plantegar les sos dudes a los espertos. La mesa reonda tendrá llugar esti llunes 11 de marzu a les ochu la tardi nel Clú de Prensa de LNE, na Plaza de Piedá 2, en Xixón.

Redaición InfoAsturies

This work is licensed under a Creative Commons Attribution 4.0 International License.