Comu vien siendo vezu los primeros martes llaborales de ca mes, la Plataforma contra la contaminacion de Xixón aconcéyase pa dar información sobro les novedaes nel ámbetu de la contaminación ambiental y pa preparar les sos vinientes actuaciones.

Esti mes informarán a los asistentes sobro l’aplicación del Protocolu d’actuación n’alertes por contaminación y la calidá del aire nel caberu mes, asina comu del resultáu de los sos aconceyamientos con grupos políticos y de la so participación nel Díe Mundial del Mediu Ambiente, el 5 de Xunu.

Tamién se falará de la propuesta de solicitú al Conceyu de Xixón y al “Principado” pa que la estación móvil del Lloredal s’amieste a la rede oficial de control de calidá del aire d’Asturies, alegando que ye plenamente fiable por ser esta una istalación homologada y controlada pola mesma empresa encargada del control y caltenimientu de la rede pública de control de calidá del aire (ENVIRA), pero tando relegada actualmente pesi a ser (o precisamente por ello) una de les qu’apurre datos más negativos.

La cita ye mañana martes 12 de marzu, a les 19:00 nel Atenéu la Calzada de Xixón y la participación ye abierta a cualisquiera que te esmolecíu pola calidá del aire qu’alienda.