Dende Madrid deciden la candidatura asturiana y Alternativa Verde por Asturies/EQUO desvencéyense de la campaña elleutoral d’Unidas Podemos por desalcuerdos coles decisiones tomaes poles cúpules
Nel pautu elleutoral d’Unidas Podemos (Podemos-IU-EQUO) pa les elleiciones xenerales del 28 d’Abril les direiciones estatales de los partios firmantes decidieron, ensin consultar coles sos sucursales autonómiques, que nes llistes pola circuscripción asturiana nun hubiere representación d’EQUO, decisión qu’ofendió a los partios participantes por discriminatoria y por tomase de mena centraliega y cupular, ensin tener en cuenta les relaciones pente ellos nin entrugar la so opinión.
Esti fechu nun ocurrió namás n’Asturies, sinon que de les 50 circuscripciones nes que se presenten, en más de la metá nun proponen dalu candidatu d’EQUO, nin siquiera comu suplente, ensin consultar anantes a les correspondientes dellegaciones.
Poro, Alternativa Verde por Asturies-EQUO cosideren inaceutable esta imposición centraliega y deciden nun participar de forma activa na presente campaña elleutoral na circuscripción d’Asturies, recordando la emportancia de votar candidatures progresistes pa frenar a los partíos de la drecha más reacionaria.
Redaición InfoAsturies
This work is licensed under a Creative Commons Attribution 4.0 International License.
