Depués d’otra nueche de fuerte contaminación nel aire xixonés, una nueva y descomanada ñube de fumo foi perfechamente visible dende La Calzada
Los valores de contaminación del aire de Xixón siguin algamando valores espeutaculares, pesi a la lluvia ya’l vientu que faen menos perceutible bona parte de la polución, al espardela y arrastrala a ras de suelu.
D’alcuerdu a los datos oficiales que facilita el Gobiernu d’Asturies ya’l conceyu de Xixón sobro la contaminación atmosférica y calidá del aire na so ueb, la zona del Lloredal torna a presentar permala calidá del aire, con una media de 54 µg/m3 de Pm10 nes caberes 24 hores, algamando picos de 332 µg/m3 de Pm10 a les 4 de la mañana, ya que ye vezu que les empreses causantes de los mesmos suelten los sos gases tósicos de nueche, cuando son menos visibles -comu puede percibise na semeya-. Sicasí, durante la mañana continuaron les emisiones, comu pudo comprebase dende tol barriu la Calzada, onde alrodiu les 9 la mañana yera perfechamente visible una gran ñube gris qu’avanzaba hacia la ciudá.
Con los datos d’ayeri, Xixón ya lleva superando el másimu llegal permitíu de media diaria -acordies la OMS 50 µg/m3 para las Pm10- 51 vegaes no que llevamos d’añu. Esta información nun s’incorpora a la rede oficial de datos qu’aporten a Madrid y Europa, pese a les promeses al respeutu, colo que la gravedá de los datos nun trespasa les fronteres asturianes.
Los picos de contaminación atmosférica disparen los ingresos hospitalarios n’Asturies por enfermedaes respiratories, acordies al estudiu epidemiolóxicu fechu pola Conseyería de Sanidá nel añu 2016. Esi estudiu ye concluyente y vien a demostrar que la Conseyería d’infracadarmes mienta cuando ñega la contaminación del aire asturianu y los sos efeutos na saliene falseando la realidad cuando niega la contaminación del aire y sus efectos na salú de los asturianos.
Llucía F. Marqués
This work is licensed under a Creative Commons Attribution 4.0 International License.
