El Secretariu de la Unión de Campesinos Asturianos foi sentenciáu a multa y prisión por prevocar un incendiu qu’amburó 38 hectárees de monte baxu, carbayos y castañales
Ante la sentencia de la estaya segunda de l’Audiencia Provincial d’Asturies que ratifica la condena a 8 meses de prisión y 32.900 euros de multa ya indemnizaciones dictada pol Xulgáu de lo Penal númberu 2 d’Uviéu contra el Secretariu Xeneral de UCA (Unión de Campesinos d’Asturies), Don José Ramón García Alba, “Pachón”, por prender un monte’n Tinéu, nel mes d’Abril de 2015, asociaciones ecoloxistes y agricultores pidin la so dimisión darréu, por considerar qu’el fechu de qu’una persona con una conderga d’esta triba siguiere al frente del mayor sindicatu agrariu d’Asturies daría un mensaxe esmolecedor sobre tol seutor “la imaxen que proyeuta una persona condergá por delitu d’incendiu forestal al frente d’un sindicatu agrariu ye demoleora, tantu pal seutor comu pa les persones que lleven años lluchando contra esa llácara”.
El seutor agroganaeru ye un de los más comprometios cola xestión del monte y la llucha contra les quemes, ya que son los principales afeutaos poles mesmes, pero tamién son acusaos de quemar biesca pa producir praos de pación, llegando a atribuiseyos cerca del 80% de los incendios n’Asturies, según datos de los bomberos, el SEPRONA y la Fiscalía de mediu ambiente del TSXA.
Redaición InfoAsturies
This work is licensed under a Creative Commons Attribution 4.0 International License.
