El BOPA del 16 d’Abril recueye esplícitamente la posibilidá de contratar empreses esternes al “Principado” pa desendolcar les llabores d’ispeción mediuambiental, lo que implica la mercantilización de les mesmes y la so perda d’oxetividá

Anguañu, la falta de personal fae inviable’l correchu control de les industries contaminantes, al tener activos namás a dos persones dedicaos a ispeciones de calidá del aire: un xefe d’estaya ya un ingenieru téunicu, por lo que nun pueden cumplir la obligacion llegal de control e ispeición de les emisiones contaminantes a l’atmósfera. Esti nuevu marcu llegal permite que, en llugar de crease un cuerpu d’ispeicion ambiental propiu formáu por funcionarios públicos abondos pa facer el so llabor, titulaos superiores, con conocimientos específicos y cualificación afayaiza, se contraten empreses esternes.

La opción de contratar “Organismos de control ambiental” privaos abre la puerte a que los que trabayen pa les industries en llabores de control y asesoramientu ambiental seyan los mesmos que lluéu valoren la llegalidá de les emisiones d’eses industries, polo que resulta evidente la falta d’independencia nel desendolcu’l so llabor.

Nuria Prendes

This work is licensed under a Creative Commons Attribution 4.0 International License.