La corrupción xeneralizada ya’l desaniciu industrial nun pasa factura al PSOE, Podemos pierde 40.000 votos, el PP más de 90.000 ya’l más puru facismu españolista faese sitiu nel “Principado”. Asturies tará representada polos 19 diputaos d’Agora Repúbliques

El mieu ganó nunes elleiciones nes que l’oxetivu de munchos asturianos tuvo más puestu n’inclinar la balanza a nivel español que’n buscar la representación del pueblu asturianu. De fechu, l’únicu partíu asturianu, Andecha Astur, multiplicó nel senáu por seis los votos algamaos pal congresu, demostrando una tendencia de votu frenada pola teoría del “votu util”. El poco mauru soberanismu asturianu nun tuvo contradiciones en dar el so votu a partios d’indole española nel congresu, ya’l resultáu ye que continuamos cola mesma llácara de les caberes décades.

En cualisquier casu, Asturies tará representada nel parllamentu español al traviés de los 19 diputaos de los partios que formen parte d’Agora Repúbliques, coalición na que participa Andecha Astur y cola que se presenta a les elleiciones europees.

Les mires tan agora puestes nes elleiciones del 26 de mayu, nes que’l Pueblu Asturianu tendrá nuevamente la opción de votar pol so futuru, esta vegada, ensin miéu.

Redaición InfoAsturies

This work is licensed under a Creative Commons Attribution 4.0 International License.