El 2 % de la población asturiana presenta superdotación. Si nun se tomen les medíes afayaices y nun se yos identifica, tendrán dificil esplotar el so potencial corren el pelligru de fracasar a nivel académicu y personal. La falta d’atención a les AACC y a la superdotación acarreta consecuencies méliques comu depresión, trastornos de l’ansiedá o diagnósticos equivocaos cola consecuente melicación erronea

Güei ta cellebrándose n’Uviéu la tercer Xornada dedicada al analís de les altes capacidaes, la superdotación y les necesidades educatives y vitales de les persones con estes carauterístiques. Nella falaráse de les consecuencies pa estes persones de tar someties a un sistema creáu pa la media y que nun almite salise del patrón.

L’oxetivu d’esta xornada, que cuenta cola intervención de Javier Touron y Carmen Sanz, ye sensibilizar sobre la importancia de la identificación ya’l desendolcu integral de persones  con Superdotación y Altes Capacidaes y servir comu puntu d’alcuentru de profesionales, persones con AACC y pas. Un de los oxetivos del díe de güei ye unificar criterios sobre Altes Capacidaes y Superdotación, dos conceutos coneutaos y que davezu se confunden.

Amás de definir dellos conceutos asociaos al tema (AACC, superdotación, escitabilidá, asincronia) guei informaráse de comu identificalos, evitando los mitos y los falsos diagnósticos, comu intervenir y comu meyorar el sistema d’atención a les necesidaes especiales, actualmente insuficiente y llastráu pola falta de medios y de conocimientos de la gran mayoría de los docentes.

Poro, ye perimportante la participación nesta triba d’actividaes de políticos, profesores, educadores, sicólogos, pedagogos, orientaores, pediatres, siquiatres, servicios sociales, téunicos xuveniles y sociales, responsables d’asociaciones xuveniles, persones con Altes Capacidaes y familiares.

Llucía F. Marqués