La estimación del avance del PIB asturianu sigui en cayía llibre, cuatro décimes perbaxo de les previsiones más presimistes, calteniéndose’l más baxu l’estáu pa esti añu y con al menos otru puntu menos pal que vien
El serviciu d’estudios del BBVA ve na baxada del consumu’l llastre que fae recular el xorrecimientu n’Asturies. Abulta previsible que la perda de puestos de trabayu y la precarización llaboral tendríen comu consecuencia l’amenorgamientu del gastu y la cayía del consumu priváu, qu’al paecer ye la que lleva al PIB asturianu a un mísere 1’7% esti añu, perbaxo’l ya llaceriosu 2’1 % que se prevía.
El documentu funde a Asturies al caberu puestu del estáu, onde lleva de magar el 2011, mui perbaxo de les vecines Galicia, Cantabria o’l País Vascu, toes perriba’l 2% , y anunciando un nueu descensu al 1’6% pal 2020.
Les previsiones falen tamién de fuerte parón del turismu y d’escasa creación d’emplegu, seique ye remarcable que les estimaciones del BBVA nun faigan referencia a la continua desindustrialización y a la menor actividá de les cientrales térmiques del carbón.
Redaición InfoAsturies
This work is licensed under a Creative Commons Attribution 4.0 International License.
