Eduardo Rojas Briales, Profesor de la Universidá Politécnica de Valencia, Decanu del Colexu d’Inxenieros de Montesn, defende’l seutor forestal comu motor económicu y llaboral de les fasteres rurales

Les fasteres más forestales coinciden polo xeneral coles más afeutaes pola despoblación y l’avieyamientu, polo que ye urxente poner en marcha midies que permitan aprofitar toles oportunidaes económiques venceyaes a esos territorios. El seutor forestal apurre emplegu, coesión territorial y servicios ambientales en toles comunidaes nes que ta presente. L’impulsu de la bioeconomía abre agora nueves y prometeores oportunidaes qu’hai que tar preparaos p’aprofitar.

Defínese bioeconomía comu la produción basao nel  conocimientu ya l’usu de recursos biolóxicos, procesos y métodos biolóxicos pa apurrir bienes y servicios de forma caltenible.  En concretu, los espertos ponen el focu nel ámbetu enerxéticu, al traviés de la biomasa, y l’usu de la maera comu material de referencia na costrución caltenible.

El fautor teunolóxicu sedrá clave nos prósimos años, la lloxística y mecanización de les esplotaciones forestales, l’usu de drones y otres teunoloxíes d’inventariau d’especies ya ordenación del territoriu, los avances nel usu de la biomasa forestal… poro, la xeneración d’emplegos demandará perfiles profesionales más variaos, incluyendo los orientaos a les nueves teunoloxíes y l’anovación, daqué que reforciará l’atractivu llaboral del trabayu forestal y abrirá les puertes a muncha mocedá.

Redaición InfoAsturies

This work is licensed under a Creative Commons Attribution 4.0 International License.