El Sindicatu d’enfermería acusa a los xestores sanitarios de priorizar criterios economicistes perriba de la calidá asistencial

Con más de 18.000 pacientes en llista d’espera quirúrxica -a los que sumar los dos mil llargos qu’echaron de la llista por refugar operase fuera’l país- y triplicando respeutu al añu pasáu los afeutaos por una espera que supera los seis meses, el sindicatu d’enfermería vien d’anunciar que los hospitales asturianos deciden aforrar presllando cames, 360 esti branu, el 14% de les disponibles. Uviéu perderá temporalmente 129 cames, Xixón 57 , una más que Riaño, y n’Avilés sedrán 70 les places menos.

Altes precipitaes, peor serviciu, atención de pacientes fuera del aria que yos correspuende, masificación d’urxencies, menos profesionales, xorrecimientu de les llistes d’espera y en xeneral infraatención de les necesidaes de los asturianos, ya incluso, muertes evitables. Eses son les consecuencies d’aplicar, añu tres añu, criterios economicistes a la xestión sanitaria.

Llucía F. Marqués

This work is licensed under a Creative Commons Attribution 4.0 International License.