Los gobiernos d’Eh Bildu cobrarán fasta un 40% menos que los anteriores rexidores, revirtiendo eses perres a les arques municipales

Si los fechos definen a les persones, cuantu más a los partidos. Entama la llexisllatura, estrenamos alcaldes y conceyales, reordenamos los conceyos. N’Asturies la noticia diaria ye la subida de salarios, de fasta’l 50%, por parte de los recién estrenaos equipos de gobiernu. Subida de salarios pa si mesmos, claro, non pa la población. Uviéu, Xixón, Piloña, Mieres, Tinéu, Sieru… son dalgunos de los conceyos nos que les xubíes foron inmediates.

La midía foi tomada al tiempu por gobiernos de dreches ya “izquierdes”, PSOE, PP, IU… en tolos conceyos un únicu puntu d’alcuentru: sucursales españoles gobernando conceyos asturianos, priorizando intereses mui llonxanos a la ciudadanía. Asturies nun foi la esceición, el mesmu escenariu repetíase, colo mesmos partíos comu protagonistes, a lo llargo y ancho del estáu español.

En contraposición, los alcaldes d’Eh Bildu tomen comu primer midía nos sos conceyos la baxada de los sos sueldos, fasta un 40%. Con esa decisión, que vien a cumplir lo prometío na campaña, devuelven a les arques municipales alrodiu de 20.000 € añales, espeyando nidiamente que la de so ye otra mena de facer política.

Nuria Prendes

This work is licensed under a Creative Commons Attribution 4.0 International License.