El  domingu 7 Xunetu, a les 6 de la tardi,  na Carpa d’Alcuentros de la Semana Negra de Xixón tendrá llugar un actu que pondrá enriba la mesa los argumentos pa un estáu llaicu y presentaráse’l llibru d’Angel Munárriz “Ilesia S.A. Dineru y poder de la multinacional vaticana n’España”

Baxo l’entitulu “¿Por qué ye necesario un Estáu Llaicu?”  intervendrán Luis Fernández, presidente d’Asturies Llaica y Ángel Munárriz, que presentará’l so llibru, “Ilesia S.A. Dineru y poder de la multinacional vaticana n’España”

Ángel Munárriz, periodista especializáu n’información en fondura y anguañu en InfoLibre, amás de participar en tertulies de actualidá, foi  guionista de ‘Males Compañíes’, programa d’investigación de La Sexta, redactor en El Mundo y Público y collaboraor en La Marea, Interviú y Cambio 16.  El so llibru ye frutu d’un ardúu trabayu d’investigación acerca de la dimensión empresarial de la ilesia católica, (en bona midía sustentada con fondos públicos), la so historia económica y la so relación col poder públicu, de los sos ingresos, les sos esenciones fiscales, les sos empresas, los sos colexos, universidaes y hasta los sos alquileres.

De los contenidos del so llibru falaba Ángel Munárriz nel programa de Víctor García Guerrero, Entrevistas en Efecto Doppler, de Radio 3: “La delegación llocal del únicu estáu teocráticu d’Europa recibe fondos de los Presupuestos Xenerales del Estáu. De los impuestos. Ponga o non la x en la casieya correspondiente de la Declaración de la Renta. La Ilesia Católica gocia d’esi privilexu. Nun ye l’únici: la esención de IBI, el redistru de propiedaees inmobiliaries o la esplotación de la educación privada son otros exemplos d’una relación privilexada con un Estáu que, a vegaes, parasita.

This work is licensed under a Creative Commons Attribution 4.0 International License.