Pal coleutivu los plantegamientos de la escuela son una falta de respetu “impropiu de la calidá de les ponentes ya innecesaria pal pretendíu alderique sobro les implicaciones de la práutica feminista”. Acusen a la escuela de plantegar un pensamientu unívocu y non un espaciu d’alderique y a les participantes d’erixise comu portavoces úniques y válides del feminismu, dispreciando cualisquier otra visión u opinión discordante ensin atender a argumentos y remémbrenyos que’l feminismu ye un movimientu, y comu tal tien d’evolucionar “Non solo ye necesario, sinon arriquecedora, la inclusividá de la realidá trans nel desendolcu del feminismu del sieglu XXI”.

Poro, ven la necesidá d’apostar por un feminismu abiertu y plural, incluyente, que defenda la diversidá de les persones, que denuncie la desigualdá social pola identidá de xéneru, tamién nel casu de les muyeres trans y que seya solidariu con toles desigualdaes sociales “de les que nun podemos deslliganos, comu ye la desigualdá racial, económica y estructural”.

Nuria Prendes