L’asturianu atópase n’una de les mayores incógnites de la so carrera, pente la triple corona o la busca d’esi naguáu tercer títulu mundial de F1
Son munches les posibilidaes que se-y presenten al uvieín ex de Ferrari, Mclaren, Minardi y sobretou Renault, equipu col que foi campeón del mundu en 2005 y 2006.
Nesti 2019 a Alonso queda-y pocu tiempu de decisión pa la próxima temporada 2020, pero les opciones ca vegada se-y abren más.
La primera, y más evidente ye la de la indy car, que cada vez paez más probable tres la entrada de mclaren nel campeonato nun intentu desesperáu de caltener al asturianu nes sos files, amás de que seria un de los meyores incentivos pa consiguir la triple corona pola que tanto nagua Fernando Alonso.
La segunda opción , y la que de xuro decepcionare más a los aficionaos del asturianu pero que puede aidalu a reafitase nun mundial que yá tien coyíu polos cuernos, ye la de caltenese nel WEC (World Endurance Championship) yá que tien una xenerosa ufierta enriba la mesa del equipu Toyota, y puede vali-y pa intentar siguir nel puestu de mvp del campeonatu de resistencia.
Y agora llegamos col prestu de tou aficionáu asturianu de la categoría reina del automovilismu, la posible vuelta de “el Nano” a la categoría mas naguada por tou pilotu y na que’l coronóse non una, sinon dos vegaes, llegando a unes grandes cifres y batiendo records como’l de ser el tercer pilotu con más puntos de la hestoria, marcar la vuelta rápida nel 10 % de les sos carreres, o’l de ser batíu por un compañeru namás en tola so carrera automovilística, y pola irrisoria cantidá d’un puntu. Y pa eso tien una gran cantidá de puertes abiertes, Renault, Ferrari, Red Bull o inclusive un Mercedes.
Entamemos pola hipótesis mas enraigonada nos fans formuleros, la del so fichaxe por Ferrari, producíu pola salida del equipu del cuatro vegaes campeón del mundu Sebastian Vettel, causada pola rivalidá con Charres Leclerc, el baxu rendimientu del alemán, y l’inminente despidu de Pierre Gasly de la escudería de la bébora enerxético, posible destín de Sebastian. En formula unu tamién hai otres opciones, basaes tamién en caramboles, aunque la so posibilidá ye abondo menor que la de Ferrari. Otra opción ye la de ser el sustitutu directu de Pierre Gasly, pero cola gran rivalidá forxada ente red bull y Fernando na época 2010- 2014, vese una posibilidá bien llonxana. Una de les opciones con menor probabilidá ye la de Mercedes, que consiste na marcha de Nico Hulkenberg a Red Bull, y la cesión de Ocon al equipu de Endstone, dexando, tres un supuestu despidu de Bottas, a Fernando Alonso de compañeru de Lewis Hamilton.
Finalmente, a Fernando Alonso quéden-y otres opciones como pue ser la del Dakar o inclusive la del WRC ( world rally car ) pero denguna que nos ilusione tanto como la del regresu del carballón a les parrilles y los padocks de “el gran circu” del automovilismu internacional.
Nel Dos Santos
This work is licensed under a Creative Commons Attribution 4.0 International License.
