La empresa propónse medrar la so produción un 54% utilizando la variedá ocalital “nintens” y consumiendo un 40% más de maera y agua
ENCE propónse abrir una nueva fábrica de produción de celulosa blanqueao, nomao pasta Dissolving, un productu de mayor valor añadíu que l’actual pasta kraft que se fabrica ya en Navia, incrementando la so capacidá de produción un 54%.
Pa ello, amás d’aumentar la maera consumío de les 1.745.640 tonelaes al añu a 2.444.000, un 40% más, ellevará’ l consumu d’agua bruta tamién fasta un 41%, agua qu’una vegada depurao tendría de tornar al Navia pero qu’agora ye vertío direutamente a la mar al traviés d’un emisariu ocultu.
Pero lo más esmoleceor ye que pa esta nueva planta ENCE pretende utilizar esclusivamente ocalitos nintens, en llugar de la variedá globulus que venien emplegando, siendo illegal fasta agora’l so llantáu n’Asturies pol so calter invasor.
Amás, la contaminación del aire, especialmente apreciable olfativamente, y la acústica, non solo nun desapaecerán, comu vienen demandando los vecinos, sinon que previsiblemente dirán a más coles nueves istalaciones.
Llucía F. Marqués
This work is licensed under a Creative Commons Attribution 4.0 International License.
