Quiciás comu reaición al tremendu enfotu puestu pa qu’escaezamos, los actos de recuperación de la memoria’l país entamaos pola mesma población son ca vegada más abondosos. Esti fin de selmana cellebráronse’l XII Homenaxe al exércitu asturianu antifacista d’El Mazucu ya l’alcuentru de Neños de la Guerra, en L’Arbeyal
Esti sábadu cientos de persones aconceyaben nel Altu la Tornería (Llanes) faciendo memoria y naguanza de la República asturiana, nel Homenaxe d’El Mazucu, que lleva 12 años rindiendo honores a aquellos que llucharon y lluchen polos valores republicanos ya escontra’l facismu.
L’actu xunió nun mesmu reconocimientu a los combatientes d’ayeri colos que continúen la llucha antifacista güei -representaos nos convidaos pa la ocasión, Nines Maestro, Asunción Naves, Joseba Asiron y Aquilino Fernández- , faciendo ver el filu conductor que xune entos con agora, puesto que l’enemigu ye, en dellos sentios, el mesmu. Criticóse amás la llentitú cola que se revisa’l caixeru y se desanicien les señes franquistes n’Asturies ya’l pocu enfotu puestu nel desendolcu de la llei de la memoria hestórica.
This work is licensed under a Creative Commons Attribution 4.0 International License.
