Dende ayeri y fasta’l sábadu 5 d’Ochobre, el Palaciu de Congresos d’Uviéu ye’l cientru de la investigación vacunolóxica, con presencia de más de 300 sanitarios dedicaos al desendolcu de nueves vacunes

La investigación nel campu les vacunes ta vivendo un emportante cambeu cualitativu, de la man de la profesionalización, internacionalización y conesión en rede de les unidaes d’ensayos clínicos. Tan en marcha investigaciones sobro xenómica aplicao a les vacunes, dirixía tanto a la meyora de la proteición de la eficacia vacunal comu a la búsqueda de propiedaes ampliaes de les vacunes y la vacunación personalizao, desplicó Martintón Torres nel so discursu nagural, nel que tamién destacó la presencia de profesionales de tol estáu nes principales investigaciones vacunolóxiques a nivel internacional.

A lo llargo del díe de güei tratáronse dellos temes, comu la incorporación de la vacuna frente al rotavirus nel calandariu de vacunación de la reciella, la inclusión de los varones nes estratexes de vacunación frente al VPH, o l’usu de vacunes tetravalentes antigripales.

El formatu de la mesa “Les Vacunes en 59 segundos” foi un de los más valoraos polos asistentes al X Congresu de Vacunoloxía, pol so calter anovador ya interactivu. Nella, espertos vacunólogos retrucaben nun menutu a entrugues sobre les vacunes, siendo depués les sos rempuestes valoraes al traviés d’una aplicación movil.

Redaición InfoAsturies

This work is licensed under a Creative Commons Attribution 4.0 International License.