Esti nuevu reconocimientu, el so tercer Premiu Alfonso Iglesias de cómic en llingua asturiana consagra al autor na cume del cómic asturianu de la dómina
EL premiu Alfonso Iglesias de cómic, dotáu con 5.ooo €, ye’l primeru en fallase de los cincos Premios Lliterarios 2019. La obra premiada, Setelgu, ye una obra mui personal que, sigún recueye l’acta de concesión del premiu concedíu pola Conseyería de Cultura, Política Llingüística y Turismu del Gobiernu d’Asturies, es una obra autobiográfica mui plástica y bien compuesta que domina los recursos narrativos del xéneru”. Previamente ganare esti mesmu premiu col so cómic Manzajú (2009) y El viaxe a la lluz (2015). Amás d’estos dos títulos, dalgunes de les sos obres más conocies son Aguantando cachones 2 (2016), el cómic hestóricu Gaspar a tiempu completu (2019) y Les 7 maraviyes de Xixón, espublizáu en collaboración cola oficina de turismu de Xixón(2019).
El xuráu encargáu de valorar les obres presentaes a esta undécima edición del premiu tuvo formáu polos autores de cómic y ilustradores Raquel Lagartos Ibáñez y Anxelu González Fernández, ganadores de la edición pasada con “Cacique Blancu”, y la illustradora Sonia García Sánchez, aconceyaos baxo la presidencia del director xeneral de Política Llingüística, Antón García Fernández.
Redaición InfoAsturies
This work is licensed under a Creative Commons Attribution 4.0 International License.
