La nueva llei educativa que tien previsto aprebar el Ministeriu d’Educación afondaría na xerarquización del profesoráu
Representantes de SUATEA y la Confederación de Sindicatos de Trabayaores de la ensiñenza aconceyaron, xunto con otres organizaciones de la comunidá educativa, con una delegación de la Xunión Europea. Nella participó, en calidá de miembru de la Direición Xeneral d’Educación, Mocedá, Esporte y Cultura de la Comisión Europea, l’analista de polítiques educatives Antonio García Gómez. En reunión mantenida con representantes de la Unión Europea, nos informaron de lo que les han transmitido desde el Departamento de Isabel Celaá.
Nesi conceyu, nel que s’abordaron dellos aspeutos de la realidá educativa, la delegación europea tresmitió la información procedente del Ministerio español d’Educación y Formación Profesional, sobre dos proyeutos de llei tienen previsto tramitar en cuantes la situación política lo permita.
Un d’ellos afeuta direutamente al profesoráu y, a falta de conocer el testu completu, incidirá na división salarial del mesmu, lo que prevocó la indinación de los sindicatos d’ensiñantes, tanto pol fechu de que se te trabayando nel borraor d’una llei qu’afeuta tanto al profesoráu ensin cuntar colos sos representantes comu pol conteníu mesmu del proyeutu, qu’implicaría una mayor xerarquización y división del profesoráu.
Per contra, SUATEA y la Confederación de STEs plantegaron la redución de los ratios escolares, el tiempu que pasa pa cubrir les baxes, incrementu de plantiyes y amenorgamientu de la xornada lleutiva, entre otres cuestiones.
No que cinca al profesoráu interín, reclamen un nuevu sistema d’acesu que garantice la so estabilidá, ya que consideren al actual “inxustu, incoerente y que pon en riesgu’l trabayu de miles de docentes”.
Otra de les cuestiones poles qu’amosaron el so esmolecimientu foi la subida del 34% en gastu escolar soportáu poles families ya’l fuerte nivel de fracasu y abandonu escolar tempranu, seique denuncien la falta de datos riales o siquiera d’estadístiques fiables.
Pa tou ello ven imprescindible elevar fasta’l 7% el 4% del PIB destináu anguañu a educación, finar colos pagos a la escuela concertada.
Redaición InfoAsturies
This work is licensed under a Creative Commons Attribution 4.0 International License.
