Xixón acueye güei una xornada dedicada al espardimientu de les idegues de respetu animal y veganismu con actividaes pa tolos gustos y edaes
El Centru de Cultura Antiguu Institutu de Xixón acueye güei la I Xuntanza Vegana, “primer eventu multidisciplinar n’Asturies al rodiu’l veganismu ya antiespecismu”. Esta iniciativa, plantegada dende una perspeutiva feminista y desendolcada n’asturianu, fae por averar a la sociedá asturiana “d’una forma respetuosa y divulgativa, información sobre’l conceptu veganismu y tolo que lo arrodia, cómo nos afeuta a les humanes y a les non-humanes”; la entrada sedrá de baldre.
L’eventu entama a les once y media dando les claves pa una dieta vegana saludable pa continuar con una charra sobre deporte, xuegu llimpiu y veganismu. Les charres siguin a les 16:30 con una interesante intervención sobre Arte y activismu, dientro’l proyeutu “All beings”, del que se puede ver una esposición a lo llargo tol díi y la conferencia “L’antiespecismu y la defensa los animales nel mundu xabaz”, a les 17:30. La cabera charra abordará’l tema de los Santuarios d’animales, “Una segunda oportunidá pa vivir llibre y féliz”-
L’envís d’esti eventu nun ye namás poner en contautu a xente vegano d’Asturies sinon, principalmente, informar y concienciar a tola población, averándolos a los conceutos del respetu animal ya’l veganismu. Pa ello, amás de les actividaes, habrá una mesa informativa na que se resolverán toles posibles dudes. La xuntanza cuenta tamién con un puntu d’atención en casu d’agresiones sesistes.
This work is licensed under a Creative Commons Attribution 4.0 International License.
