Nun tamos toes entama esti fin de selmana “Empandérate Fest”, un alcuentru nel que feminismu y música daránse la man nel CSA L’Apiaderu (Nava)
La entruga “¿Qué pinten les muyeres na música tradicional?” abre con una charra estos dos díes d’empanderamientu que tendrán comu protagonistes, precisamente, a la muyer y a la música’l país; Sedrá nel CSA L’Apiaderu, a les 12:00. Darréu, la Bandi-Ne animará la sesión vermú. Depués de la xinta, los cuatro grupos participantes nel alcuentru – veníes dende estremaos llugares- abrirán una mesa reonda, na que compartir los sos proyeutos y poner en comuña les sos esperiencies na xera de da-y un enfoque feminista a la música tradicional. El conciertu, de magar les 20:00 hores, sedrá la demostración práutica de lo falao, coles actuaciones de les gallegues As Punkdereteiras y Punkiereteiras, les palentines Las Tábanas y de les asturianes Nun tamos toes.
La folixa siguira’l domingu, col Taller de Baille pa folcueriques, decostrución y tradición, a cargu Les Pites, y la sesión vermú amenizáu por Les Pites ensin Gallu Dj’s.
Redaición InfoAsturies
This work is licensed under a Creative Commons Attribution 4.0 International License.
