El Coleutivu Ecoloxista d’ Avilés vien de denunciar ante la Conseyería d’Infraestructures d’Asturies y la Confederación Hidrográfica un nueuo vertíu de productos oleaxinosos producíu na ría d’ Avilés, apreciable güei nel coleutor  al altor de la nave de llaminación d’Arcelor, ensin que lo frenaren les barreres anticontaminación

Esti vertíu súmase a la llarga llista d’episodios contaminantes que finen na ría d’Avilés, ensin que, n’opinión de la Coordinadora, se pongan en marcha les midies oportunes pa sancionar estos fechos y torgar l’apaición de nueves manches de contaminación nes agües avilesines.

La frecuencia cola que se repiten estes situaciones faen d’elles un delitu de contaminación continua por neglixencia, suponiendo dañu grave pal equillibriu de los sistemes naturales de la ría.

La Coordinadora denuncia tamién que’l coleutor industrial de la oriella drecha de la ria vierte a la mar direutamente abondosos residuos ensin depurar, llanzándolos cenciellamente más mar adientro y dañando la mar y la costa collindante, n’especial, la de Gozón.

Redaición InfoAsturies

This work is licensed under a Creative Commons Attribution 4.0 International License.