Demientres España nun dubia n’elexir la drecha más estrema, n’Asturies y nes principales nacionalidaes hestóriques que formen parte l’estáu votaríase al presidente catalán nel esiliu

La encuesta, llanzada pola páxina web Electomanía, plantegaba la viniente entruga “Si namás pudieres escoyer pente’l cabezaleru del partíu ultra Vox, Santiago Abascal, ya’l presidente catalán nel esiliu, ¿a quién preferiríes cómu presidente’l to país?”. Les rempuestes debuxen un esclareceor mapa nel que la periferia Nor-Este del estáu español se dixebra del gran cientru-sur na so opción: entantu los primeros -a esceición de Cantabria y Aragón- nun dubien n’escoyer a Carles Puigdemont, los segundos opten por Abascal. Nos archipiélagos tamién elixen al presidente catalán

Por comunidaes, Puigdemont gana -evidentemente- en Catalunya, el País Valencià, les Islles Balears, Euskadi, Navarra, Asturies, Galícia y les Islles Canàries. Entantu, Abascal impónse n’Aragón, Castiella-la Mancha, Castiella, Lleón, la Rioja, Cantabria, Múrcia, Madrí, Estremadura y Andalucía.

Asturies alcuéntrase pente los cinco primeros territorios en sofitar al independentista, con cuasi un 60% de la población al so favor.

Por partios, los primeros en sofitar al ultranacionalista español, Abascal, son los del so propiu partíu, siguíos polos del PP y C’s. Sosprende, sicasí, el 1% de votantes de Vox ya’l 17% de los elleutores de C’s qu’apuesten por Puigdemont, cuasi tanto comu’l 3% de Podemos ya’l destacable 33’3% de los votantes del PSOE que votaríen a Abascal.

Nuria Prendes