El xueves 12 de Marzu el barriu de La Calzada acoyerá una nuea marcha de protesta contra la contaminación del aire

Los barrios del Oeste xixonés son los más castigaos pola contaminación procedente de les grandes industries averaes, consecuencia de la falta d’implantación de filtros y medios de seguranza que torguen les continues emisiones tósiques. Problemes respiratorios, cardiácos y neurolóxicos que van de seles a mui graves, fedores continuos, suciedá… son dalgunes de les consecuencies d’esta polución que lleven careciendo décades, ensin que se pongan midíes efeutives pa controlalo.

Ante esta situación, los vecinos declárense “fartucos, de la contaminación y de la inoperancia de l’alministración pa solucionar esti grave problema mediuambiental que afeuta a la nuesa salú” y decidieron organizase pa reclamar la intervención pública darréu pa poner solución al problema: la Plataforma contra la Contaminación de Xixón ñació específicamente con esi cometíu, pero al par d’ella trabayen nel mesmu sen les Asociaciones de Vecinos y l’asociación La Rede Oeste. Ellos son los convocantes d’una marcha que saldrá a les 18:30 del xueves 12 de Marzu de la Parroquia de Fátima, dende onde avanzarán en direición a Cuatro Caminos, informando a los vecinos y reclamando, otra vegá, soluciones.

Llucía F. Marqués

This work is licensed under a Creative Commons Attribution 4.0 International License.