Güei dedico la hestoria del díe, por pidición popular, al drama que se vive n’Asturies col preslle de los chigres, la falta sidre, y la necesidá urxente de que daquién entame un Sidramovil d’entrega de sidre a domiciliu, por caxes

Ante l’alarmante descensu del nivel de sidre’n sangre, y coincidiendo col primer fin de selmana ensin tomar el vermú (de sidre, por supuestu) en chigre, ñaz la Plataforma Solidaria Quédaivos con Sidre’n Casa, col envís d’asegurar que denguna familia asturiana pase ensin sidre estos díes tan difíciles. Pa ello, soliciten la creación darréu d’un serviciu de teleasistencia que garantice’l soministru mínimu por persona adulta d’una botella al díe, que podría entregase por caxes pa evitar l’escesu de contautu humanu y la propagación del andaz. Asinamesmo, proponen una llinia económica d’aides p’afrontar la emerxencia sidrera que se mos vien enriba, tantu p’asegurar l’acesu a la sidre demientres la cuarentena comu pa garantizar la continuidá del trabayu de llagares y chigres tres de la mesma, con especial enfotu a cubrir les pérdides xeneraes en casu de prollongase’l confinamientu a tola temporada d’espiches, vital pal seutor.

“Yo por agora teo sidre’n casa” reconoz AMV, propulsora d’esti movimientu social, que tan bona acoyía ta teniendo nos llares asturianos “porque namás que m’enteré del confinamientu fui a mercar tres caxes de tres llagares estremaos, pero col encierru, les provisiones menguen a un rítmu mayor del qu’esperaba y veo qu’hai munches posibilidaes de qu’esto s’allargue, asina que nin siquiera yo voi tener abondo. Nun quiero nin pensar lo que tarán pasando sidreros con menos previsión o con menos posibilidaes…”. Por ellos ye polos que trabaya n’esta aniciativa, faciendo un llamáu a los llagareros pa que pongan darréu en marcha un sistema de repartu de sidre’n domiciliu col que facer más llevaeru l’empreslle a les families asturianes.

Prósimamente fadrán públicu un manifiestu nel que recueyen les sos revindicaciones y entamarán un change.org pa recoyer robles de sofitu al proyeutu. Continuaremos informándovos.

En ca mio somos sidreros, de los de verdá, de los que tomamos el vermú con sidre, acompangamos la xinta con un par de botelles, tomamos unes de sidre al salir del trabayu, cenamos con sidre y, si cuadra, salimos lluéu a la nueche a

Asina que l’anuncia del entamu del confinamientu pillóme, como nun podía ser d’otra miente, nun chigre. Comu yera vienres ya en principiu podía salise tol díe viniente, nun m’apure y esa tarde merqué namás una caxa

This work is licensed under a Creative Commons Attribution 4.0 International License.