InfoAsturies comparte de magar Payares del 2019 les ocurrencies coles que Gonzalo Peláez va retratando l’actualidá política, sorrayando intres y paradoxes qu’ensin elli de xuro pasaríen desapercibies

L’humorista asturianu, destacáu pol so humor corrosivu ya’l so despiadáu ataque a políticos ya istituciones tanto asturianes comu d’ámbetu estatal, dedica al nuestu mediu una viñeta especial cola que cellebrar la so espublización númberu 300.  Nella colócanos na interesante situación d’entrevistar al cabezaleru de Podemos, vicepresidente segundu d’España y ministru de Drechos Sociales y Axenda 2030, Pablo Iglesias.

Nun hai dubia de que si se diere esa circustancia Gonzalo Peláez tendría una bona riestra d’entrugues comprometies coles que poner nun seriu aprietu, non sólo a elli, sinón a cuasi cualisquier políticu o presonaxe públicu.

Pues alcontrar el resume humorísticu d’esti caberu mediu añu na nuesa Galería d’Humor.

Redaición InfoAsturies

This work is licensed under a Creative Commons Attribution 4.0 International License.