A Adrián Barbón falto-y tiempu y nel primer díe de la “desesguilada” soltó l’avisu: “Debemos revisar tol gastu, incluyíu’l de presonal, ante’l coste de la pandemia”

L’andanciu dexó nidia la emportancia de reforciar servicios públicos -comu’l sanitariu, el d’atención a la dependencia o les residencies- y de valorar na so midía a los profesionales que trabayen nellos. Sicasí, les midies a tomar n’Asturies paecen dir en direición contraria, la de retayar más. es recientes declaraciones del presidente del “Principado” frayaben les esperances, ya non d’aumentar les plantiyes y meyorar les sos condiciones llaborales, sinón siquiera de calteneles, del funcionariáu asturianu, incluyendo aquellos a los que más hai qu’agradecer estos díes. 

Tres de los aplausos vien el castañazu y ya ta nel aire l’amenorgamientu de presonal o la baxada de salarios de tol presonal sanitariu que tan emportante se demostró demientres esta cris y que carecieron en primer persona los retayos que los socesivos gobiernos del PSOE va imponiendo a la sanidá asturiana. Tamién el de les trabayaores de residencies y curiau  a dependientes, primerísima llinia nesta marraza, o los profesores, obligaos a convertise n’espertos informáticos de la nueche al díe, o’l presonal d’emerxencies, al pie del cañón.

Asturies, eso si, refuga la rebaxa de sueldu pa los políticos y garantiza los fondos a SOGEPSA y AUCALSA 

This work is licensed under a Creative Commons Attribution 4.0 International License.