Andecha Astur cellebrará’l prósimu sábadu 23 de mayu’l el so tradicional homenaxe a la Declaración de Soberanía de la Xunta Suprema en 1808. L’actu tendrá llugar a les 13 hores a la puerte de la Sala Capitular – Plaza Corrada l’Obiespu– onde tuvo llugar la mencionada declaración de Soberanía cola qu’Asturies recuperó la independencia nel sieglu XIX.

Les llimitaciones impuestes pol andanciu’l coronavirus torguen facer d’esti un actu abiertu a la participación pública, comu venía siendo otros años, y consistirá nuna ufierta floral y músical acompangada d’unes pallabres que recoyerán la importancia hestórica de los fechos remembraos ,

Andecha Astur revindicará nuevamente la identidá nacional asturiana, reclamando la Soberanía política de la qu’agora adolecemos, de manera que tornen a facese realidá les pallabres de los miembros de la Xunta Xeneral na declaración de Soberanía «El poder, tol poder, reside y procede del Pueblu»