Albídrase qu’esta pintada ye una amuesa más del sofitu que’l pueblu de Xixón -y de toa Asturies- vien ufriendo a los trabayaores dende l’entamu d’esti conflictu, colos paseos solidarios diarios, les barricaes, concentraciones y protestes en coche

Manches de pintura azul nes lletres del so rótulu y un mensaxe inquietante, “EBHI Solución. Primer Avisu”, que da a entender que de nun alcontrase ceo una solución continuarán les aiciones contra’l partíu nel gobiernu del “Principado”, y poro, responsable de l’Autoridá Portuaria y la situación de los trabayaores.

La titularidá pública (en cuasi un 70%) de la empresa EBHI, acusada d’incumplir alcuerdos y facer una redución illegal y tapecía de la plantiya, fae albidrar un intentu de desmantelamientu pa posterior privatización d’esti serviciu públicu.

Nun podemos escaecer que cuatro trabayaores lleven en fuelga de fame nes dependencies de la empresa de magar el 13 de Mayu.

Nuria Prendes

This work is licensed under a Creative Commons Attribution 4.0 International License.