El 9 de Xunu la TPA cumplió 14 años nos que la presencia de la llingua asturiana alternó pente ruina, ridícula ya inesistente

Nesa efeméride Rosa María Mateo, alministradora provisional única de la corporación RTVE, foi entrugada por Carles Mulet, senador de Compromís, que-y plantegara la cuestión de la nula presencia del asturianu na emisión de RTVE a lo llargo de 40 años de democracia magar “desixir la Costitución española respetu y proteición de toles llingües”, a lo que retrucó que RTVE ye “mui respetuosa» coles llingües oficiales del Estáu” y apoya siempre la so inclusión nos sos conteníos “d’una manera natural y orgánica”.

Mateo recalcó que “En nengún casu se refugaron conteníos por tar falaos nestes llingües, mesmo, en dellos casos, como na selección de producción europea recibe más puntos si son proyeutos n’otres llingües oficiales“. Ehí ta, pa ella, el principal pilancu de la emisión n’asturianu, ya que, comu esclarió na so intervención “l’asturllionés” -como se refirió en tou intre a la llingua d’Asturies- nun ye oficial, por muncho que te reconocíu nos estatutos d’autonomía, polo que pa ella ye comprensible que nun se utilice a diariu nes emisiones de cientros territoriales. Sicasí, la televisión española ye magnánima y “siempres va sofitar la inclusión del asturianu no sos contenios”, pero eso sí, teniendo en cuenta que ye un idioma “minoritariu ente’l castellanu” y non oficial, polo que la so presencia sedrá -siguirá siendo- pocu más que testimonial.

Llucía F. Marqués

This work is licensed under a Creative Commons Attribution 4.0 International License.