L’asociación contra la esclusión Alambique convoca un alcuentru pa guetar rempuestes comunitaries a la cris económica y social que sigui a la emerxencia sanitaria

El 26 de Xunu a les 17:30, nel Parque Víctor Fernández na cai Peña Ubiña en Xixón, convócase un alcuentru abiertu -con toles midies de prevención- nel que se convida a aldericar y buscar conxuntamente soluciones a los problemes más urxentes a los que s’enfrenta anguañu  la sociedá asturiana: acesu a alimentos, a unos ingresos económicos básicos pa poder desendolcar les nueses vides con dinidá, comu curianos y protexer la nuesa salú, o’l drechu a un techu.

Pa’l Coleutivu Alambique, les recoyies d’alimentos son namás un repegu, porque l’acesu a los alimentos tien de ser un drechu, l’ingresu mínimu ye más mínimu que vital, ya’l llema “quédate en casa” dexa fora a los milenta ensin techu y mui mal a los qu’ocupen infraviviendes o espacios menguaos. “Nun queremos cayer otra vegada en rempuestes que namás perpetuen les causes de les nueses necesidaes y creyemos que la meyor manera de facelo ye dir a la gueta de rempuestes comunitaries a estos problemes” declaren.

Per otru lláu, albidren que los curiaos van más lloñe de lo que ye la sanidá, hospitales, protocolos y melecines.

Conviden a tolos que ten esmolecios por estes cuestiones a participar nel alcuentru “A la gueta de rempuestes comunitaries”, col envís de topar pente toos “Rempuestes pa tresformar la realidá, poner nel centru la vida, los curiaos y caleyar hacia una sociedá comunal”.

Redaición InfoAsturies