Pa’l presidente del “Principado” los ñicios del pasu de Belarmino Tomás pela hestoria d’Asturies son “curiosidades” ya’l Conseyu Soberanu d’Asturies y Llión “una esperiencia autonómica”

Del facebook de Xuan Alonso

Nun dexa de tener el so aquel de novedá que’l presidente del gobiernu d’Asturies remembre l’aniversariu de la declaración de soberanía protagonizau por Belarmino Tomás al frente del pueblu asturianu, depués de décades de negación d’esta parte la nuesa hestoria por parte’l so propiu partíu.

Sicasí, el tonu casual y la referencia, cuasi esclusiva, a les reliquies, venceyándoles siempres a si mesmu ya’l so pasu pel gobiernu, l’usu del español como llingua a la hora de comunicar esta alcordanza, y perriba tou, la interpretación españolista ya interesada d’un fechu tan importante pa la hestoria d’Asturies, ye cuandu menos ofensivu.

Asina, al falar d’una declaración na que’l Conseyu Soberanu se declara independiente de la República Española, Adrián Barbón fae un ablucante xiru pa falar de “la cabera zona lleal a la llegalidá costitucional republicana nel Norte” (¿?). Del despachu de Belarmino Tomás nun tien que dicir más que ye “el llugar nel que d’avezu realizo les mios ruedes deprensa o los mios mensaxes a la ciudadanía asturiana”. Ello ye, pa Barbón el despachu nel que se robló la soberanía d’Asturies nun ye más qu’un meru decoráu pa les sos semeyes, y un de los momentos cumes de la nuesa hestoria moderna, que tendría que valir d’ispiración pal nuesu futuru, ye namás “datos d’interés pa los que mos presta la hestoria”.

Un capítulu más de comu remanar y amenorgar la hestoria d’Asturies. Y siguimos.

This work is licensed under a Creative Commons Attribution 4.0 International License.