Los fechos tuvieron llugar nel barriu La Calzada de Xixón y los agredios son menores de 14 y 15 años que nun llevaben puesta la mazcarina
Los menores alcontrábense nel alrodiu de los cines Ocimax cuandu foron requirios a poner les mazcarines. Ante lo que los axentes consideraron “falta de velocidá pa acatar les órdenes”, y poro, desacatu, más de diez axentes armaos con porres dieron una cuelma a los rapazos, llevando a dos d’ellos detenios polos “insultos y menacies” proferios demientres la mesma.
La prensa oficial recueye la noticia comu “Un conflictivu grupo de menores acorrala a dos policíes tres negase a usar mazcarina“, versión que contrasta fondamente, non solo col testimoniu de los presentes, sinón colos vidios del fechu, comu’l que ufrimos a continuación y nel que se ve nidiamente la desproporción de l’aición policial y la desaxerada violencia ante una infración menor, comu ye la falta de mazcarina.
Publiée par Eliot Sarabia sur Mercredi 26 août 2020
This work is licensed under a Creative Commons Attribution 4.0 International License.
