El martes 8 Setiembre tendrá llugar el manifestamientu, que saldrá a les 12:30 de la Plaza l’Humedal de Xixón y finará na Plaza’l Parchís
El conxuntu d’organizaciones qu’entamen el movimientu “Asturies nun tien Rei” lleven cellebrando actos de refuga al Reinu d’España dende la visita a Asturies de la Familia Rial. Pal 8 Setiembre convoquen un manifestamientu en Xixón por un futuru p’Asturies nel que la soberanía resida nel pueblu y se respeten los drechos de la clas trabayaora, insistiendo que p’avanzar nesi camín ye imprescindible llibrase del xugu de la monarquía española.
Frente a un Díi de la Nación Asturian ermu de conteníu -Barbón tornará a homenaxear a les víctimes del coronavirus- convoquen un 8 de setiembre vindicativu, nel que los drechos de la clas trabayaora y del Pueblu asturianu seyan los protagonistes “Nós nun mos identificamos con un Estáu español, nin capitalista, nin monárquicu. Ven a Xixón a dicilo con toes y toos: Asturies nun tien Rei”.
Nuria Prendes
This work is licensed under a Creative Commons Attribution 4.0 International License.
