Cuando nel añu 2008 Andecha Astur presentó la denuncia por esos delitos énte la Oficina contra’l Fraude na Xunión Europea, la OLAF, la redolada política asturiana nun se tomó en serio l’acusación y los medios de comunicación nun  fixeron ecu de la que, como se ta viendo agora, yera una trama delictiva d’importancia

El Casu Musel dirá a xuiciu na Audiencia Nacional tres del autu dictáu nesi sen el pasáu vienres. Les acusaciones son popular y particular, l’Abogacía del Estáu nun presentó cargos y la Fiscalía Anticorrupción dexó pasar 12 años dende qu’Andecha Astur denunciare los fechos ante la Comisión contra’l Fraude de la Xunión Europea (OLAF) fasta que presentó, el pasáu 22 de Xunetu, el so escritu d’acusación.

En total, formúlase acusación contra 21 persones, incluyendo a los 18 responsables de les empreses implicaes na UTE Dique Torres, el presidente’l Puertu, Fernando Menéndez Rexach, Fernando Palao, entós secretariu d’Estáu de Tresportes y Mariano Navas, entós presidente de Puertos del Estáu. El Ministeriu Fiscal pidi pa toos ellos penes de cárcele ya’l pagu d’importantes sumes económiques.

This work is licensed under a Creative Commons Attribution 4.0 International License.