El tren d’alambrón y l’acería de Xixón perderán respeutivamente 21 y 23 puestos de trabayu

La direición d’AcerlorMittal informó ayeri a los representantes sindicales de la so intención de desaniciar 21 puestos de trabayu del tren d’alambrón, que vienen a sumase a la desapaición d’otros 23 emplegos anunciada un día anantes pa l’acería de Xixón. Fasta agora l’afeutada ye la estaya de Produición, pero nun se descarten otres actuaciones asemeyaes nes estayes de Caltenimientu, Calidá o Cadarma.

L’argumentu treslladáu a los sindicatos pa la toma d’estes midíes ye la mala situación de la empresa. La direición de la siderúrxica esgrimió la menacia velada de que “si nun se facía esto córrese’l riesgu de perder la empresa entera” pero niéguense a apurrir los datos económicos qu’avalen esa afirmación.

Redaición InfoAsturies

This work is licensed under a Creative Commons Attribution 4.0 International License.