Pacientes y familiares del hospital de Xarrio alvierten de que les plantes d’hospitalización d’esti hospital tán enchíes
El preslle de la planta de xinecoloxía’l pasáu mes de xunu, acabante rematar el confinamientu y coles llistes d’espera echando fumu, indignó yá nel so momentu a los usuarios del hospital, que vieron nesta midía una intención puramente económica, yá que rescamplaba los trestornos y retrasos que diba causar.
Agora mesmu, en plena fola de rebrotes y coles alarmes prendíes, pacientes y familiares nun entienden como se permite la saturación que se ta produciendo, nun intre’n que les distancies y los precuros tuvieren de ser les máximes.
Coles mesmes, denuncien que tienen costancia de que, col enfotu de lliberar cames rapidamente “tán dándose d’alta a pacientes con escesiva rapidez y tán produciendose, consiguientemente, reingresos de dellos pacientes, enchiendo nuevamente les plantes d’hospitalización”.