Los varamientos amenorgaron demientres el confinamientu, seique medraren los avistamientos, pero tornen a apaecer una bones se retomen les actividaes pesqueres

Un roncual varaba’l fin de selmana na sablera d’Arra, en Ribeseya, ya otra veintena de calderones apaecía na tardi d’ayeri na de Morís, en Carreño

Un roncual norteñu, de 7,8 metros de llargor y dos tonelaes de pesu, apaeció na sablera d’Arra el pasáu vienres, siendo’l primer varamientu d’un exemplar d’esta especie nel Cantábricu, sigún informó’l Ministeriu pa la Transición Ecolóxica ya’l Retu Demográficu. La presencia d’estos animales, en pelligru de desapaición, ye más común nes zones templaes del hemisferiu sur.

Ayeri tardi la traxedia foi entá mayor, al varar na menos que venti calderones na Sablera de Morís, en Carreño. Les llabores de rescate allargáronse fasta la nueche, pero seique se yos llevaba mar adientru tornaben a varar, polo que’l pronósticu nun ye bonu. Esti ye tamién el primer casu, polo menos nos caberos 30 años, de varamientos masivos de calderones n’Asturies.

Malque entá nun hai datos sobro les causes d’estos varamientos y la posible implicación de l’actividá humana nellos, si que se compreba un espoxigue de los casos de magar el reaniciu de les llabores tres del confinamientu. Precisamente la selmana pasada foren avistaos barcos franceses faenando con arrastres na costa asturiana, ensin que se pueda por agora venceyar la so actividá a estos llamentables fechos.

Nuria Prendes

This work is licensed under a Creative Commons Attribution 4.0 International License.